მეტაბოლური დარღვევების ერთ-ერთი ყველაზე გავრცელებული ფორმა სიმსუქნეა. სხეულში ცხიმის დაგროვება ხშირ შემთხვევაში პათოლოგიურ დონეს აღწევს, რაც სხვადასხვა სერიოზული დაავადების მიზეზი ხდება. განსაკუთრებით საშიშია მუცლის არეში ცხიმოვანი ქსოვილის გადაჭარბებული დაგროვება, რადგან ეს ხელს უშლის ორგანოების ნორმალურ ფუნქციონირებას. ცხიმის დაგროვების მიზეზი ორგანიზმში ზოგიერთი ჰორმონის დონეზეცაა დამოკიდებული, რის საფუძველზეც ჩნდება მოწყენილობის შეგრძნება და გაძლიერებული მადა. ჭარბი წონა მსოფლიოში ყველაზე გავრცელებული პრობლემაა და სიფრთხილის ზომების მიუღებლობის შემთხვევაში შეიძლება გამოიწვიოს სიკვდილიც კი, განსაკუთრებით ხანდაზმულ ასაკში.

რა არის ბარიატრიული ქირურგია?

 ბარიატრიული ქირურგია გამოიყენება იმ ადამიანებში, რომელთაც მაღალი სხეულის მასის ინდექსი აქვთ. ოპერაციის მიზანია პაციენტისთვის ნორმალური წონის დაბრუნებაა, რაც სხვადასხვა დაავადების გაქრობას ან შემცირებას უწყობს ხელს.

ბარიატრიული ქირურგია კეთდება შემდეგ შემთხვევებში:

1. სხეულის მასის ინდექსი აღემატება 40-ს;
2. სიმსუქნისგან გამოწვეული ჯანმრთელობის პრობლემები;
3. მკურნალობისა და დიეტის მიუხედავად, პაციენტი ვერ იკლებს წონაში;
4. ჰორმონალური დარღვევების არარსებობა;
5. თამბაქოსა და ალკოჰოლის აკრძალვა.

ჭარბი წონის მკურნალობა

სიმსუქნის მკურნალობა მრავალფეროვანია და პაციენტის საჭიროებების მიხედვით განსხვავდება. ძირითადად, სამ მკურნალობის მეთოდს იყენებენ:

1. კვების შეზღუდვა;
2. საკვების შეწოვის პროცესის დათრგუნვა;
3. ორივე მეთოდის კომბინაცია.

დღესდღეობით, ყველაზე პოპულარული მეთოდია კუჭის ბალონირება. გარდა ამისა, შესაძლებელია ქირურგიული ჩარევისა და მედიკამენტოზური მკურნალობის გამოყენება.