რა არის ოტოპლასტიკა?

თუ ყურები ნორმალურ ზომაზე მეტად გამოშვერილია, ეს შესაძლოა იყოს თანდაყოლილი ან შეძენილი დეფორმაცია. ხშირად, ყურის ფორმის გამო შეიძლება ფსიქოლოგიური დისკომფორტი წარმოიქმნას, ამიტომ ყველაზე ეფექტური გამოსავალი ყურის ესთეტიკური ოპერაციაა.

რა ასაკიდან შეიძლება ოპერაციის ჩატარება?

ბავშვებისთვის ოპერაციის რეკომენდებული ასაკი 5-6 წელია, რადგან ამ დროისთვის ყურის ფორმირება ძირითადად დასრულებულია და 18 წლამდე ლოდინი საჭირო არ არის, განსაკუთრებით იმ შემთხვევაში, თუ ბავშვი განიცდის ფსიქოლოგიურ ზეწოლას.

როგორ ტარდება ოტოპლასტიკა?

ყურის ოპერაციის მიზანია ხრტილის სწორად ფორმირება. პროცედურა ტარდება:

1. პატარებში – ზოგადი ანესთეზიით;
2. 15 წელს გადაცილებულ პაციენტებში – ადგილობრივი ანესთეზიით.

პროცედურის ეტაპები:

1. ყურის უკან კეთდება პატარა განაკვეთი.
2. ხრტილის ფორმირება და კორექციები.
3. ხრტილის ახალი ფორმის ფიქსირება ნაკერით.
4. ჭრილობა იხურება და პაციენტს ედება სახვევი.

ოპერაციის შემდგომი რეკომენდაციები

1. პირველი 3 დღის განმავლობაში სახვევი უნდა დარჩეს;
2. ერთი თვის განმავლობაში უნდა მოერიდოთ სპორტულ აქტივობებს;
3. თუ ოპერაცია ზაფხულში ჩატარდა, აუცილებელია მზისგან დამცავი კრემის გამოყენება;
4. თვითშეწოვადი ნაკერების გამოყენებისას, დამატებითი პროცედურა ნაკერების ამოსაღებად საჭირო არ არის.

როგორ დავგეგმო მკურნალობა?

შეგიძლიათ გაგვიზიაროთ ყურის სხვადასხვა კუთხიდან გადაღებული ფოტოები ჩვენს ვებგვერდზე არსებული ფორმის საშუალებით. ჩვენი სპეციალისტები შეაფასებენ თქვენს მდგომარეობას და გაგიწევენ საჭირო კონსულტაციას.